چین میں دھماکہ 65 جاں بحق و زخمی
چین میں ایک اسکول کے قریب دھماکے سے 8 افراد جاں بحق اور بچوں اور خواتین سمیت 59 افراد زخمی ہو گئے۔
فرانس پریس کی رپورٹ کے مطابق چین کی پولیس نے کل ہونے والے دھماکے کو جارحیت قرار دیتے ہوئے اس کی مذمت کی۔ پولیس کا کہنا ہے کہ اس واقعہ میں ایک شخص کی شناسائی ہوئی ہے۔
واضح رہے کہ کل شام چین کے مشرقی صوبہ جیانگ زو کی کاؤنٹی فینگ ژیان میں ایک اسکول میں چھٹی کے وقت گیٹ پر اس وقت زوردار دھماکہ ہوا جب بچے اسکول سے باہر نکل رہے تھے۔
مقامی میڈیا کے مطابق دھماکے میں کم از کم 8 افراد جاں بحق اور 59 زخمی ہوئے، زخمیوں کو طبی امداد کے لئے قریبی اسپتالوں میں منتقل کر دیا گیا ہے جہاں 8 زخمیوں کی حالت تشویشناک بتائی گئی ہے
سکیورٹی حکام نے علاقے کا محاصرہ کر کے شواہد اکٹھے کرنا شروع کر دیئے ہیں جب کہ علاقے میں سرچ آپریشن بھی شروع کر دیا گیا ہے۔ حکام کے مطابق واقعہ کی تحقیقات جاری ہیں۔
