قطر اورعرب ممالک سے اختلافات ختم کرنے کی اپیل
برطانوی وزیر خارجہ نے عرب ممالک سے اپیل کی ہے کہ وہ قطر پرعائد پابندیاں ختم کردیں۔
خبر رساں ادارے تسنیم کے مطابق برطانوی وزیر خارجہ بورس جانسن نے خلیج فارس تعاون کونسل کے رکن ممالک سے اپیل کی ہے کہ وہ خطے میں امن و سلامتی کی خاطر اپنے اختلافات میں کمی لائیں۔
انہوں نے خلیج فارس تعاون کونسل سے قطر کے شہریوں کی زندگی کو مفلوج کرنے والی پابندیوں کو ختم کرنے کی اپیل کرتے ہوئے کہا کہ وہ قطر کے خلاف عائد کی گئی پابندیوں کو جلد از جلد ختم کریں۔
مصر، سعودی عرب، بحرین اور متحدہ عرب امارات نے دو ہفتے قبل قطر سے اپنے سفارتی تعلقات ختم کر لئے تھے۔
ان ممالک نے قطر پر دہشتگردی کی حمایت کا الزام عائد کیا تھا، جس کے جواب میں قطر نے کہا تھا کہ یہ ممالک قطر کی خود مختاری کے دشمن ہیں اور قطر کسی کے حکم کا پابند نہیں ہے، وہ اپنی آزادی و استقلال اور خودمختاری کو ترجیح دیتا ہے۔
