افریقہ: کیفےمیں فائرنگ سے 17 ہلاک
Aug ۱۴, ۲۰۱۷ ۰۹:۵۰ Asia/Tehran
افریقی ملک بُرکینافاسو کے کیفےمیں فائرنگ سے ترک شہری سمیت17 افراد ہلاک ہوگئے جبکہ 8 افراد کے زخمی ہونے کی اطلاعات ہیں۔
موصولہ رپورٹوں کے مطابق حملہ مشتبہ شدت پسندوں کی جانب سے کیا گیا جس میں 17 ہلاکتیں ہوئی ہیں۔ فائرنگ میں ہلاک ہونے والوں میں غیر ملکی بھی شامل ہیں۔ عینی شاہدین کا کہنا ہے کہ انہوں نےاتوار کی رات 9 بجے کے قریب فائرنگ کی آوازیں سنیں جب مسلح افراد نے اوگاگواگو میں عزیز استنبول ریسٹورنٹ پر حملہ کیا ۔ انہوں نے کہا کہ حملے کے کئی گھنٹوں بعد بھی بھاری ہتھیاروں سے فائرنگ کی آوازیں سنی گئی ۔
واضح رہے کہ 2 سال پہلے بھی ایک ریسٹورنٹ میں اسی طرح کا حملہ شدت پسندوں کی جانب سے کیا گیا تھا جس میں 30افراد ہلاک ہوئے تھے۔
