SAHAR

امریکی قومی سلامتی کی سابق مشیر نے جنرل اسمبلی کے اجلاس سے صدر ٹرمپ کی تقریر کونامناسب اور حد سے زیادہ انتہا پسندانہ قرار دیا ہے۔

امریکہ کی قومی سلامتی کی سابق مشیر سوزن رائس نے اپنے ایک ٹی وی انٹرویو میں کہا ہے کہ ٹرمپ کی تقریر پرخاش اور دھمکیوں سے بھری ہوئی تھی۔انہوں نے کہا کہ اقوام متحدہ کے پلیٹ فارم سے ٹرمپ کا کسی ملک کو نابود کرنے کی دھمکی دینا، عالمی مسائل کے حل کا کوئی مناسب طریقہ نہیں ہے۔ڈونلڈ ٹرمپ نے منگل کے روز اقوام متحدہ کی جنرل اسمبلی سے اپنے پہلے خطاب میں ایک بار پھر شمالی کوریا کو فوجی حملے کی دھمکی دی تھی۔وہ اس سے پہلے بھی شمالی کوریا کو غضب کی آگ کا نشانہ بنانے کی دھمکی چکے ہیں۔