امریکہ میں ٹرک ڈرائیور نے 8 افراد کوہلاک کردیا
Nov ۰۱, ۲۰۱۷ ۰۷:۴۲ Asia/Tehran
مین ہٹن میں ٹرک ڈرائیور نے راہگیروں پر گاڑی چڑھا دی جس کے نتیجے میں 8 افراد ہلاک جب کہ 14 زخمی ہوگئے۔
نیویارک کےاقتصادی مرکز مین ہیٹن میں حملہ آور نے سائیکل ٹریک اور راہ گیروں پر پک اپ ٹرک چڑھا دیا جس سے 8 افراد ہلاک اور 14 زخمی ہوگئے۔ ہلاک ہونے والوں میں بیلجیم کا شہری بھی شامل ہے۔ نیویارک پولیس نے کارروائی کرتے ہوئے فائرنگ کرنے والے 29 سالہ شخص کو گرفتار کرلیا ہے جس سے پوچھ گچھ جاری ہے۔
پولیس کے مطابق ٹرک تلے کچلے جانے والے بیشتر سائیکل سوار تھے۔ انہوں نے بتایا کہ حملہ آور شخص نے ٹرک سے اسکول بس کو بھی ٹکر ماری جس کے نتیجے میں 2 بچے زخمی ہوئے جبکہ ٹرک ڈرائیور سے پیلیٹ گن اور ایک پینٹ بال گن بھی برآمد ہوئی ہے۔
دوسری جانب امریکی ایجنسی ایف بی آئی واقعے کو دہشتگردی کے طور پر دیکھ رہی ہے اور مزید تحقیقات کا آغاز کردیا ہے۔
