روہنگیا مسلمانوں پر حملے دوبارہ شروع
Jan ۲۴, ۲۰۱۸ ۱۹:۲۶ Asia/Tehran
میانمار کے مسلم آبادی والے صوبے راخین میں مسلمانوں پر حملے اور ان کے گھروں کو نذر آتش کئے جانے کی خبریں ایک بار پھر موصول ہو رہی ہیں۔
ارنا کے مطابق عینی شاہدین اور جان بچا کر بھاگنے والے روہنگیا مسلمانوں نے بتایا ہے کہ حکومت کے تمام تر وعدوں کے باجود، میانمار کی فوج اور انتہا پسند بدھسٹوں کے ہاتھوں راخین کے مسلم آبادی والے دیہات نذر آتش کئے جار ہے ہیں جبکہ مسلمانوں کے قتل کا سلسلہ بھی جاری ہے۔
یہ حملے ایسے وقت میں کئے جا رہے ہیں جب طے شدہ پروگرام کے مطابق بنگلہ دیش سے روہنگیا پناہ گزینوں کی میانمار واپسی کا عمل منگل کے روز سے شروع کیا جانا تھا جسے موخر کر دیا گیا۔
حکومت میانمار نے روہنگیا مسلمانوں کی شہریت منسوخ اور انہیں سماجی اور انسانی حقوق سے محروم کر رکھا ہے۔
