SAHAR

روسی وزیر خارجہ نے کہا ہے کہ روس کو تنہا کرنے اور اس پر اپنی بالادستی قائم کرنے کی امریکی کوشش کبھی کامیاب نہیں ہوگی۔

ہمارے نمائندے کے مطابق روس کے وزیر خارجہ سرگئی لاؤروف کا کہنا تھا کہ واشنگٹن کوشش کررہا ہے کہ روس کو اپنے ماتحت ملک میں تبدیل کردیا جائے لیکن اسے ناکامی کا منہ دیکھنا پڑے گا۔سرگئی لاؤروف نے مزید کہا کہ امریکہ اپنی اندرونی مشکلات کا ملبہ روس پر ڈالنا چـاہتاہے - انہوں نے واضح کیا کہ روس فعال سفارت کاری اور تعاون کے ذریعے اس قسم کی مشکلات اور بحرانوں پر ہمیشہ غلبہ پاتا رہا ہے۔امریکہ اور روس کے درمیان سن دوہزار چودہ سے تعلقات کشیدہ چلے آرہے ہیں۔ نیٹو کی روسی سرحدوں تک توسیع، بحیرہ بالٹک اور شام کی صورتحال کے بارے میں روس اور امریکہ کے درمیان شدید اختلافات پائے جاتے ہیں۔