SAHAR

روس کے صدر ولادی میر پوتن نے کہا ہے کہ ان کا ملک فوجی آمادگی اور دفاعی ٹیکنالوجی کے لحاظ سے دنیا میں برتری کے مقام پر دوبارہ لوٹ آیا ہے۔

وطن کا دفاع کرنے والوں کے دن کے موقع پر ایک تقریب سے خطاب کرتے ہوئے صدر ولادی میرپوتن نے کہا کہ وہ پورے وثوق کے ساتھ کہہ سکتے ہیں آج ملک کی سلامتی پوری طرح سے محفوظ ہے۔انہوں نے کہا کہ ملک کے دفاع کے لیے اسٹریٹیجک ایٹمی طاقت میں مزید اضافہ کیا جائے گا۔قبل ازیں روس صدر نے تقریب میں شریک بیلاروس، قزاقستان، کرغیزستان، ازبکستان، ارمینیا، قطر، صربیہ، ونیز ویلا اور منگولیا کے وزرائے دفاع سے بھی ملاقات کی۔روس میں تیئس فروری کو وطن کا دفاع کرنے والوں کا دن منایا جاتا ہے اور اس دن ملک میں عام تعطیل کی جاتی ہے۔