SAHAR

روس کے نائب وزیر خارجہ ریابکوف نے امریکہ کو شام پر حملے کے سلسلے میں متنبہ کرتے ہوئے کہا ہے کہ شام پر امریکہ کا حملہ ناقابل قبول ہے ۔

اسپوٹنک نیوز کی رپورٹ کے مطابق روس کے نائب وزیر خارجہ نے کہا کہ شامی حکومت کی دہشت گردوں کے خلاف جنگ میں کامیابی پر دہشت گردوں کے حامی ممالک برہم ہیں اور امریکہ دہشت گردوں کی شکست کی تلافی کے سلسلے میں شام پر حملے کا منصوبہ بنا رہا ہے جو ناقابل قبول ہے۔

روس کے نائب وزیر خارجہ نے کہا کہ امریکہ بہانے کی تلاش میں ہے لیکن روس نے امریکہ کو خبردار کیا ہے کہ شام پر حملے کے نتائج سنگین ہوں گے۔