امریکہ انسانی حقوق کونسل سے آوٹ
Jun ۲۰, ۲۰۱۸ ۰۹:۰۱ Asia/Tehran
امریکہ نے اقوام متحدہ کی انسانی حقوق کونسل سے نکلنے کا اعلان کیاہے۔
اقوام متحدہ میں امریکی سفیر نکی ہیلی نے منگل کو اقوام متحدہ کی انسانی حقوق کونسل سے نکلنے کا اعلان کرتے ہوئے کہا کہ انسانی حقوق کےعزائم سے پیچھے نہیں ہٹیں گے۔
امریکہ ایسے میں انسانی حقوق کونسل سے نکل گیا کہ جب عالمی سطح پر اس پر انسانی حقوق کو اپنے مفادات کے لئے استعمال کرنے اور انسانی حقوق کو ایک ہتھکنڈے کے طور پر استعمال کرنے کے الزامات لگتے رہے ہیں۔ امریکہ پر فلسطین، یمن،عراق، شام،افغانستان اور اسی طرح دنیا کے دوسرے ممالک میں بڑے پیمانے پر انسانی حقوق کی دھجیاں اڑانے کے الزامات ہیں اور امریکہ عالمی سطح پر انسانی حقوق سے چشم پوشی کرنے اور انسانی حقوق کی خلاف ورزی کرنے والا سب سے بڑا ملک ہے۔
