نائیجیریا میں کشتی ڈوبنے سے 21 افراد ہلاک
Aug ۰۴, ۲۰۱۸ ۰۸:۴۷ Asia/Tehran
نائیجیریا میں کشتی ڈوبنے سے 21 افراد ہلاک ہو گئے جبکہ 29 کو بچا لیا گیا ہے۔
ریسکیو ذرائع کے مطابق مرنے والوں میں خواتین اور بچے بھی شامل ہیں، اب تک 17 خواتین اور چار بچوں کی لاشیں نکالی جا چکی ہیں۔
ریاستی امدادی ٹیم کا کہنا ہے کہ حادثہ نائیجیریا کی ریاست سوکوٹو کے ضلع گاندھی کے ایک دریا میں پیش آیا، حادثے کی وجہ کشتی پر گنجائش سے زیادہ افراد کی موجودگی بنی، بدقسمت کشتی پر 50 سے زائد افراد سوار تھے۔
نائییجریا میں خستہ حال کشتیوں اور گنجائش سے زائد افراد کے کشتی میں سوار ہونے کے باعث اس طرح کے واقعات رونما ہوتے رہتےہیں، اس سے قبل جولائی میں بھی 22 نائیجیرین تاجر کشتی ڈوبنے سے ہلاک ہو چکے تھے۔
