مہاجرین کے بارے میں امریکی پالیسی کی مذمت
انسانی حقوق کی عالمی تنظیم ایمنسٹی انٹرنیشنل نے تارکین وطن سے ان کے بچے الگ کرنے کو بدترین جرم قرار دیا ہے۔
ایسو شی ایٹیڈ پریس کی رپورٹ کے مطابق ایمنسٹی انٹرنیشنل کے نئے ڈائریکٹر نے کہا ہے کہ امریکا اور میکسیکو کی سرحد پر تاریکین وطن سے ان کے بچے الگ کرنے کا ٹرمپ حکومت کا اقدام امریکا کی تاریخ میں انجام دیا جانے والا بدترین جرم ہے۔
ایمنسٹی انٹرنیشنل کے نئے ڈائریکٹرکومی نائیڈو نے کہا کہ ٹرمپ اور دنیا کے بعض دیگر سربراہان مملکت انسانی حقوق کے احترام کے تعلق سے جو پیشرفت ہوئی ہے اس کو نقصان پہنچانے میں مصروف ہیں۔
قابل ذکر ہے امریکی صدر ڈونلڈ ٹرمپ نے گزشتہ مہینوں کے دوران تارکین وطن سے متعلق زیروٹالرنس پالیسی پر عمل کرتے ہوئے دو ہزار سےزائد مہاجر بچوں کو ان کے والدین سے الگ کردیا۔
کومی نائیڈو نے امریکا کے ساتھ ہی سعودی عرب، ہنگری اور فلپائن کو بھی ان ملکوں میں شمار کیا جن کی حکومتیں انسانی حقوق کا احترام نہیں کرتیں۔
