SAHAR

شمالی کوریا نے جدید ترین اسٹریٹیجک ہتھیار کا کامیاب تجربہ کیا ہے۔

شمالی کی سرکاری خبر رساں ایجنسی کے مطابق ملک کے رہنما کم جونگ اون کی موجودگی اور نگرانی میں کیے جانے والے اس تجربے کے بعد پیانگ یانگ کی فوجی اور دفاعی طاقت میں واضح اضافہ ہوا ہے۔رپورٹ میں تجربے کی تاریخ اور مقام کے بارے میں کچھ نہیں بتایا گیا اور نہ ہی یہ بتایا گیا ہے کہ یہ کس قسم کا جدید ترین ہتھیار ہے۔جنوبی کوریا کی خبر رساں ایجنسی یونہاپ نے بتایا ہے کہ شمالی کوریا کے جدید ترین تجربے کے بارے میں تفصیلات کا علم نہیں ہوسکا ہے۔اس سے پہلے امریکی ذرائع ابلاغ نے بھی بتایا تھا کہ شمالی کوریا امریکہ سے مذاکرات کے ساتھ ساتھ سیّال ایندھن سے چلنے والے بین البراعظمی میزائل کی تیاریوں میں مصروف ہے۔