شمالی کوریا کا امریکہ کو سخت انتباہ
Dec ۱۹, ۲۰۱۸ ۱۴:۳۴ Asia/Tehran
شمالی کوریا کی وزارت خارجہ نے پابندیاں جاری رکھے جانے کی بابت سخت خبردار کیا ہے۔
پیونگ یانگ میں شمالی کوریا کی جانب سے جاری ہونے والے بیان میں کہا گیا ہے کہ تین اعلی عہدیداروں کے خلاف امریکہ کی جانب سے عائد کی جانے والی پابندیاں جزیرہ نمائے کوریا میں ایٹمی ترک اسلحہ کے عمل کو ہمیشہ کے لئے نابود کردیں گی۔
شمالی کوریا کی وزارت خارجہ نے خبردار کیا ہے کہ امریکی پابندیوں کی وجہ سے علاقے میں دوبارہ جنگ بھی چھڑ سکتی ہے۔
امریکی وزارت خزانہ نے بے بنیاد الزامات کے تحت شمالی کوریا کے تین اعلی عہدیداروں کے خلاف پابندیاں عائد کر دی ہیں۔
امریکی وزارت خارجہ نے منگل کے روز جاری کیے جانے والے ایک بیان میں شمالی کوریا کے خلاف پابندیوں کے خاتمے کو ایٹمی پروگرام کی مکمل نابودی سے مشروط کر دیا ہے۔
