SAHAR

مشرق وسطی کے امور میں روس کے خصوصی نمائندے نے سعودی عرب میں ولی عہد کے تعین کے عمل میں امریکی مداخلت کی بابت سخت خبردار کیا ہے۔

امریکی جرید بلومبرگ کے مطابق مشرق وسطی کے امور میں روسی صدر کے نمائندے میخائل بوگدانوف نے امریکہ کو خـبردار کرتے ہوئے کہا ہے کہ وہ سعودی عرب کے تخت و تاج کے معاملے میں مداخلت سے باز آجائے۔ انہوں نے کہا کہ روس کسی بھی ملک کے اندرونی معاملات میں بیرونی مداخلت کا مخالف ہے اور مذکورہ معاملات میں سعودی حکومت اور عوام کو خود فیصلہ کرنا چاہیے۔مشرق وسطی کے امور میں روسی صدر کے خصوصی نمائندے نے واضح کیا کہ میں تصور بھی نہیں کرسکتا کہ امریکہ میں کوئی شخص دیگر ملکوں کے حکمرانی کے معاملات میں مداخلت اور سعودی عرب کے موجودہ اور آئندہ حکمرانوں کا تعین کرے۔