SAHAR

امریکہ کی ریاست الاباما کے حکام کا کہنا ہے کہ ریاست میں آنے والے طوفان میں ہلاکتیں بڑھ کر بائیس ہو گئی ہیں۔

موصولہ رپورٹ میں بتایا گیا ہے کہ الاباما کے طوفان کے نتیجے میں درخت تک اکھڑ گئے اور رہائشی علاقوں کو بھاری نقصان پہنچا ہے۔اس سے قبل اس ریاست کے حکام کی جانب سے طوفان کے نتیجے میں ہلاک ہونے والوں کی تعداد چودہ بتائی گئی تھی جبکہ کچھ لاپتہ بھی بتائے جاتے ہیں۔دو سو اٹھارہ کلو میٹر فی گھنٹے کی رفتار سے آنے والے طوفان نے بھیانک تباہی مجاتے ہوئے اپنا راستہ طے کیا۔ امریکہ کی کئی اور ریاستوں میں بھی طوفان کے خطرے کے پیش نظر ہائی الرٹ کر دیا گیا ہے۔طوفان سے متاثرہ لوگوں کا کہنا ہے کہ جب بھی قدرتی آفات کا سامنا ہوتا ہے حکام کی ناقص کارکردگی واضح نظر آتی ہے۔