ٹرمپ کا یوٹرن چین کو تجارتی مذاکرات کی پیشکش
امریکی صدر ڈونلڈ ٹرمپ نے پہلی بار چین کو امریکا سے جاری ٹریڈ وار ختم کرنے کے لیے معاہدہ کرنے کا اشارہ دیا ہے۔
چین کی جانب سے ٹھوس موقف کے بعد امریکی صدر ڈونلڈ ٹرمپ نے وائٹ ہاؤس میں صحافیوں سے گفتگو میں ایک بار پھر یوٹرن لیتے ہوئے کہا ہے کہ چین سے تجارتی معاہدے پر مذاکرات ہو سکتے ہیں جن میں ہواوے کا معاملہ بھی شامل ہے۔
ٹرمپ کا کہنا تھا کہ امریکا نے ہواوے پر اس لیے پابندی لگائی ہے کہ یہ ٹیلی کام کمپنی امریکی سلامتی کے لیے خطرہ ہے۔
ادھر چین نے امریکی اقدامات کو غنڈہ گردی قرار دیتے ہوئے مسترد کردیا ہے اور تجارتی جنگ میں قیمتی دھاتوں کی امریکا برآمد پرپابندی عائد کرنے پرغور کرنے کا اعلان کردیا ہے۔
قیمتی اور نایاب دھاتیں ٹیکنالوجیکل ڈیوائسز بنانے کے ساتھ ساتھ طیارہ سازی میں بھی استعمال ہوتی ہیں۔
واضح رہے کہ امریکا کا ان دنوں چین سے ہواوے ٹیلی کام جائنٹ کے معاملے پر تنازع جاری ہے جو سنگین صورت اختیار کرچکا ہے اور دونوں ممالک تجارتی جنگ کے دھانے پر آ چکے ہیں۔
