SAHAR

وائٹ ہاؤس کے سامنے فائرنگ کا واقعہ پیش آیا ہے۔

غیرملکی نشریاتی اداروں نے خبر دی ہے کہ امریکا کی خفیہ ایجنسی کے اہلکاروں نے وائٹ ہاؤس کے باہر ایک شخص پر فائرنگ کر دی- خبروں میں کہا گیا ہے کہ امریکی صدر ٹرمپ کے غیر ملکی دورے پر روانہ ہونے کے کچھ ہی دیر بعد مشتبہ شخص وائٹ ہاؤس کے شمال میں ممنوعہ علاقے میں داخل ہو گیا تھا-

امریکا کی خفیہ ایجنسی کے اہلکاروں نے مشتبہ شخص پر فائرنگ کرنے سے پہلے اسے وارننگ دی تھی- یہ خبر ایک ایسے وقت سامنے آئی ہے جب پچھلے دنوں ایک شخص نے  وائٹ ہاؤس کے حفاظتی جنگلے کے قریب خود کو گولی مار کر خود کشی کرلی تھی-

کچھ دنوں قبل ایک اور شخص نے وائٹ ہاؤس کی باؤنڈری کے قریب خودسوزی کرنے کی کوشش کی تھی-