ہانگ کانگ میں ہنگامہ آرائی کا ذمہ دار امریکہ ہے : چین
Jul ۲۴, ۲۰۱۹ ۱۲:۵۶ Asia/Tehran
چین نے اپنے خصوصی انتظامی خطے ہانگ کانگ میں جاری ہنگامہ آرائی اور مظاہروں کا ذمہ دار امریکہ کو قرار دے دیا۔
شنہوا کی رپورٹ کے مطابق چین کے وزارت خارجہ کی ترجمان جنگ شوانگ نے کہا ہے کہ ہانگ کانگ میں ہونے والے پر تشدد واقعات کے پیچھے امریکی حکام ملوث ہیں۔
چینی وزارت خارجہ کی ترجمان نے اپنے بیان میں سوال اٹھایا کہ کیا امریکی حکام دنیا کو یہ بتاسکتے ہیں کہ انہوں نے ہانگ کانگ میں کیا کردار ادا کیا اور ان کے مقاصد کیا ہیں؟
انہوں نے ہانگ کانگ میں امریکہ اور برطانیہ کی مداخلت پر سوالیہ نشان لگاتے ہوئے کہا کہ چین اس معاملے میں کسی کی بھی مداخلت کو برداشت نہیں کرے گا۔
واضح رہے کہ چین کی جانب سے مجرموں کی حوالگی سے متعلق مجوزہ بل پر اس ملک میں مظاہرے ہوئے جن میں اب تک ہزاروں کی تعداد میں لوگ گرفتاراور زخمی ہوچکے ہیں ۔