ہانگ کانگ میں پرتشدد مظاہرے
Sep ۲۹, ۲۰۱۹ ۱۸:۳۰ Asia/Tehran
ہانگ کانگ میں پولیس کا کہنا ہے کہ سرکاری انتظامیہ کے خلاف احتجاجی مظاہرے کے دوران تشدد پھوٹ پڑا ہے
ہانگ کانگ کی پولیس کا کہنا ہے کہ انتظامیہ کے خلاف مظاہرے سترہویں ہفتے بھی جاری رہے - اس دوران مظاہرین نے پولیس اور تجارتی مراکز نیز سرکاری عمارتوں پر پٹرول بموں سے حملہ کیا- ہانگ کانگ کی پولیس کا کہنا ہے کہ مظاہرین نے بعض ریلوے اسٹیشنوں اور شاہراہوں کو بھی بند کردیا۔پولیس نے ہانگ کانگ میں احتجاجی مظاہروں پر پابندی عائد کر رکھی ہے۔ ہانگ کانگ میں تحویل مجرمین کے نئے قانون کے خلاف پچھلے سترہ ہفتے سے مقامی حکومت کے خلاف عوام مظاہرے کر رہے ہیں - اس قانون کے مطابق ہانگ کانگ کی حکومت مجرموں کو مقدمات کا سامنا کرنے کے لئےچین کی تحویل میں دے سکتی ہے۔