امریکہ میں تین سو سے زائد مظاہروں اور دھرنوں کی خبریں

Jan ۳۱, ۲۰۲۶ ۲۱:۰۵ Asia/Tehran

مغربی میڈیا ذرائع نے یو ایس امیگریشن اینڈ کسٹمز انفورسمنٹ کے خلاف امریکہ کے مختلف شہروں میں تین سو سے زیادہ دھرنوں اور مظاہروں کی خبریں دی ہیں

سحرنیوز/دنیا: روزنامہ گارڈین نے اس سلسلے میں لکھا ہے کہ تمام پچاس امریکی ریاستوں اور واشنگٹن ڈی سی میں تین سو سے زائد مظاہرے ہونگے - منتظمین نے ان مظاہروں کو آئس آؤٹ آف ایوری ویئر" کہا ہے۔

مظاہروں کے منتظمین کا کہنا ہے کہ یہ احتجاج فیڈرل امیگریشن افسران کے ہاتھوں ہلاک ہونے والے افراد کی موت پر ردعمل ہے جس میں اس ماہ کے شروع میں منیاپولس میں الیکس پریٹی اور رینی گوڈ پر ہونے والی مہلک فائرنگ اور ٹیکساس کے ایک امیگریشن حراستی مرکز میں جیرالڈو کیمپوس کی ہلاکت بھی شامل ہے۔

ہمیں فالو کریں:

قابل ذکر ہے کہ امریکی امیگریشن اور کسٹمز انفورسمنٹ کے خلاف مظاہرے ایسی حالت میں جاری ہیں کہ ریاست مینیسوٹا میں امیگریشن پالیسیوں کے خلاف دو مظاہرین کی ہلاکت اور مظاہرین کی جانب سے مینیسوٹا سے امیگریشن اور کسٹمز انفورسمنٹ ایجنٹوں کو ہٹانے کے مطالبے کے بعد امریکی صدر ڈونلڈ ٹرمپ کہہ چکے ہيں کہ وہ وہ مینا سوٹا سے امیگریشن اور کسٹمز انفورسمنٹ ایجنٹوں کو واپس بلانے کا کوئي ارادہ نہيں رکھتے۔