فرانس بھی اسرائیل کا ہمنوا
Nov ۲۱, ۲۰۱۹ ۱۱:۲۱ Asia/Tehran
فرانس بھی اسرائیل کا ہمنوا بن گیا اوراسرائیلی جارحیت کی حمایت کی ۔
رائٹرز کی رپورٹ کے مطابق فرانس کے وزیر خارجہ نے شام پر اسرائیلی جارحیت اور بربریت کی حمایت کی ہے۔
فرانس کے وزیر خارجہ ایوے لیدریان نے کہا ہے کہ ان کے لئے اسرائیل کی سلامتی اہم ہے۔ لیدریان نے شام میں مغربی ممالک کے حمایت یافتہ دہشت گردوں کے خلاف ایران کے اقدامات کو نظر انداز کرتے ہوئے کہا ہے کہ ایران کو شام کے امور میں مداخلت کرنے سے پرہیز کرنا چاہیے۔
اس سے قبل روس کے نائب وزیر خارجہ نے شام پر اسرائیلی حملے کو غلط اور بین الاقوامی قوانین کی کھلی خلاف ورزی قراردیا تھا۔
