امریکہ میں شدید برفباری 4 ہزار سے زائد پروازیں متاثر
Dec ۰۳, ۲۰۱۹ ۰۸:۴۸ Asia/Tehran
امریکا میں برفباری کے شدید طوفان کی وجہ سے نیویارک کے گورنر نے ریاستی ایمرجنسی نافذ کردی جبکہ چار ہزار سے زائد پروازیں معطل اور تاخیر کا شکار ہو گئیں۔
امریکا میں برفباری سے نظام زندگی مفلوج ہوکررہ گیا۔ نیویارک کے گورنر نے ریاستی ایمرجنسی نافذ کرتے ہوئے تین سو نیشنل گارڈ کو تعینات کر دیا۔
سان فرانسسکو، نیویارک، بوسٹن، شکاگو اور واشنگٹن کے ائیرپورٹس پر چار ہزار سے زائد پروازیں معطل اور تاخیر کا شکار ہوئی ہیں۔
نیویارک میں تین جبکہ بوسٹن میں چھ انچ تک برف پڑ چکی ہے۔ نیو جرسی میں لوگوں کو غیرضروری سفر نہ کرنے کی اپیل کی گئی ہے۔ محکمہ موسمیات کے مطابق برفانی طوفان کی شدت میں بدھ کی صبح تک کمی کا امکان ہے۔
