وہ حقیقت جنہیں میکرون دیکھنا پسند نہیں کرتے! + ویڈیو
سوشل میڈیا پر کچھ ویڈیوز وائرل ہیں جن کو دیکھنے کے بعد پتہ چلتا ہے کہ فرانس کے سیکورٹی اہلکار پوری طاقت کے ساتھ مظاہرین کو زد و کوب کر رہے ہیں تا کہ مظاہرین کی سرکوبی کے ذریعے حکومت مخالف مظاہروں کو ختم کر سکیں۔
فارس نیوز ایجنسی کی رپورٹ کے مطابق فرانس کے صدر امانوئل میکرون کی حکومت کی ایک واضح خصوصیت ہے اور وہ ان کے دور حکومت میں پولیس اہلکاروں کا پر تشدد انداز ہے۔ فرانس میں حکومت کے خلاف پر امن مظاہرے کرنے والے میکرون کی حکومت کو پر تشدد حکومت کے طور پر یاد کرتے ہیں اور ان کا مطالبہ ہے کہ میکرون کو حکومت سے دست بردار ہو جانا چاہئے۔
فرانس کی پولیس کی جانب سے عوامی مظاہروں کی سرکوبی اور ان کا پر تشدد رویہ اتنا زیادہ بڑھ گیا ہے کہ سوشل میڈیا پر گزشتہ ہفتے Police violence# ہیش ٹیگ ٹرینڈ کر رہا تھا۔
اسی طرح سوشل میڈیا کے صارفین نے سینسر ہیش ٹیگ کا بھی استعمال کیا۔ اس کی وجہ یہ ہے کہ فرانس کی پولیس کے پرتشدد رویے کو ذرائع ابلاغ مسلسل نظر انداز کرتا آ رہا ہے۔
فرانس میں حکومت مخالف مظاہروں میں سیکڑوں افراد زخمی ہوئے ہوئے جبکہ متعدد افراد کے ہلاک ہونے کی بھی اطلاع ہے۔ فرانس میں میڈیا کو اتنا زبردست سینسر کیا گیا ہے کہ پولیس کے پرتشدد رویے کی میڈیا میں بہت کم ہی کوریج ہوتی ہے حتی زخمی ہونے والے اور گرفتار افراد کی صحیح تعداد بھی نہیں بتائی جاتی۔
