SAHAR

امریکی وزارت جنگ نے اعتراف کیا ہے کہ التاجی فوجی اڈے میں زخمی ہونے والے 2 امریکی فوجیوں کی حالت تشویشناک ہے۔

فارس خبر رساں ایجنسی کی رپورٹ کے مطابق امریکی وزارت جنگ پنٹاگون نے اعتراف کیا ہے کہ عراق کے دارالحکومت بغداد کے شمال میں واقع امریکا اور دیگر اتحادی فوجیوں کے اڈے التاجی پر راکٹ حملے میں زخمی ہونے والے فوجیوں میں سے 2 امریکی فوجیوں کی حالت تشویشناک ہے۔

 امریکی وزارت جنگ پنٹاگون کا کہنا ہے کہ زخمی ہونے والے دونوں فوجی بغداد کے ایک اسپتال میں داخل ہیں۔

جمعرات کو التاجی فوجی اڈے پر ہونے والے حملے کے بعد کل ایک بار پھر امریکی دہشتگردی کے فوجی اڈے پر متعدد راکٹ داغے گئے۔

 امریکی فوجی اتحاد نے بغداد میں اپنے اڈے التاجی پر کم سے کم 25 راکٹ داغے جانے کی تائید کی ہے۔