امریکہ، ہوائی اڈے پر کھڑی ہزاروں گاڑیاں نذر آتش
Apr ۰۶, ۲۰۲۰ ۲۰:۱۲ Asia/Tehran
امریکی ریاست فلوریڈا کے ایک بین الاقوامی ہوائی اڈے پر ہزاروں گاڑیاں جل کے خاکستر ہو گئیں۔
سی ان ان کے مطابق ساؤتھ ویسٹ فلوریڈا انٹر نیشنل ایئر پورٹ پر کھڑی ساڑھے تین ہزار رینٹ کاریں اتوار کو جل کے راکھ ہو گئیں ۔
اس رپورٹ کے مطابق اتوار کو لگنے والی اس آگ نے پندرہ ہیکٹر کے رقبے کو اپنی لپیٹ میں لے لیا اور اس کو بجھانے میں اٹھارہ گھنٹے لگ گئے ۔
متعلقہ حکام کا کہنا ہے کہ آگ لگنے کی وجہ ابھی تک معلوم نہیں ہو سکی ہے اور تحقیقات جاری ہیں ۔
