SAHAR

ہوا میں معلق ہیں روہنگیا مسلمان، نہ تو انہیں اپنے آبائی وطن میانمار میں سکون کی سانس میسر ہے اور نہ کوئی دوسرا ملک انہیں قانونی طور پر پناہ دینے پر تیار ہے۔ برسوں سے روہنگیا کے مظلوم مسلمان میانمار کی جلاد صفت حکومت، فوج اور بدھسٹوں کے ہولناک اور انسانیت سوز جرائم سے روبرو ہیں اور اب تک اقوام متحدہ اور ایمنسٹی انٹرنیشنل جیسے تمام عالمی ادارے میانمار کے مسلمانوں کو تحفظ فراہم کروانے میں ناکام رہے ہیں۔ میانمار میں اب تک ہزاروں روہنگیا مسلمانوں کا نہایت بہیمانہ انداز میں قتل عام کیا جا چکا ہے۔