صیہونیوں کے زیرکنٹرول علاقے میں دھماکہ
Nov ۱۷, ۲۰۲۰ ۱۱:۳۶ Asia/Tehran
مقبوضہ فلسطین میں ہونے والے ایک دھماکے میں متعد افراد ہلاک اور زخمی ہوگئے ہيں۔
صیہونیوں کے زیرکنٹرول فلسطین کے جنوبی علاقے میں ہونے والے ایک دھماکے میں کم از کم چار افراد ہلاک اور زخمی ہوگئے ہیں۔
مقامی ذرائع کے مطابق یہ دہماکہ جنوبی فلسطین میں واقع دھاتوں کے ایک کارخانے میں ہوا کہ جس کے نتیجے میں دو افراد ہلاک اور دو زخمی ہوگئے۔
صیہونی پولیس کے دعوے کے مطابق یہ دھماکہ گیس کے سیلنڈر کا تھا کہ جس کے باعث دو افراد ہلاک اور دو زخمی ہوگئے کہ جنہیں فوری طور پر ہسپتال پہنچا دیا گیا ہے۔
اس سے پہلے بعض ذرائع نے "اشدود" شہر میں بجلی گھر میں اسی طرح کے ایک دھماکے کی خبر دی تھی،جس کے سبب مقبوضہ علاقوں میں بجلی کی سپلائی معطل ہو گئی تھی۔
