کرسٹیانو رونالڈو کی شاندار ہیٹ ٹرک
اطالوی فٹبال لیگ میں یوونٹس نے کیگلیاری کو ایک کے مقابلے میں تین گول سے ہرا دیا۔
برازیلی لیجنڈ پیلے نے اپنا ریکارڈ توڑنے پر رونالڈو کو زبردست الفاظ میں خراج تحسین پیش کیا ہے۔
بتایا جاتا ہے کہ اطالوی سیریز اے میں یوونٹس کیگلیاری کو میچ کے ابتدا میں ہی دباؤ میں لے لیا۔
میچ میں یووینٹس کے کرسٹیانو رونالڈو نے 22 منٹ میں تین گول داغ دیے۔
دوسرے ہاف میں کیگلیاری نے خسارہ کم کیا لیکن میچ 1-3 سے یوونٹس کے نام رہا۔
اس میچ کے بعد رونالڈو کے آفیشل میچز میں گولز کی تعداد 770 ہوگئی جہاں انھوں نے لیجنڈری برازیلین فٹبالر پیلے کا 767 گولز کا ریکارڈ توڑدیا۔
پیلے نے سوشل میڈیا میں رونالڈو کے لیے پیغام میں لکھا کہ ’زندگی سولو فلائٹ ہے، اور آپ کتنا خوبصورت سفر کر رہے ہیں، وہ قابل تعریف ہے۔‘
پیلے نے یہ بھی لکھا کہ ’مجھے آپ کو کھیلتے دیکھنا پسند ہے، آفیشلز میچز میں میرے گولز کا ریکارڈ توڑنے پر آپ کو مبارکباد۔‘
