امریکہ: جارجیا میں فائرنگ، متعدد افراد ہلاک
-
مساج سینٹرز پر حملے کا ملزم
امریکی ریاست جارجیا میں فائرنگ کے واقعے میں کم از کم آٹھ افراد ہلاک ہو گئے۔
رپورٹ میں بتایا گیا ہے کہ فائرنگ کے اس واقعے کے سلسلے میں ایک اکیس سالہ نوجوان کو گرفتار کر لیا گیا۔
فائرنگ کا واقعہ ماساج سینٹر میں پیش آیا۔ رپورٹ میں بتایا گیا ہے کہ ہلاک ہونے والوں میں چار خواتین شامل ہیں جو ایشیائی نژاد بتائی جاتی ہیں۔
تاحال حملہ آور یا حملہ آوروں کے بارے میں کوئی معلومات پولیس کی جانب سے جاری نہیں کی گئیں اور نہ ہی واقعے کی تفصیلات بیان کی گئی ہیں۔
امریکہ کو ان دنوں اغوا برائے تاوان اور مسلح حملوں جیسے واقعات کی شدید لہروں کا سامنا ہے۔ ہر سال پورے امریکہ میں پیش آنے والے فائرنگ کے ہزاروں واقعات میں کئی ہزار افراد ہلاک اور زخمی ہو جاتے ہیں۔
سرکاری سطح پر جاری ہونے والے اعداد و شمار کے مطابق دو کروڑ ستر لاکھ سے تین کروڑ ہتھیار، لوگوں کے پاس موجود ہیں جس سے پتہ چلتا ہے کہ امریکہ میں تقریبا ہرشخص کے پاس ایک آتشیں اسلحہ موجود ہے۔
