پیرس کی سڑکوں پر پولیس کا احتجاج، عوام سے بچایا جائے
May ۲۱, ۲۰۲۱ ۱۲:۱۲ Asia/Tehran
-
فرانسیسی پولیس اہلکار پیرس کی ایک سڑک پر عوام کے ہاتھوں تشدد سے بچائے جانے کے لئے مظاہرہ کر رہے ہیں۔
فرانس میں پولیس اہلکاروں کا عوامی تشدد سے بچاؤ کے لئے حکومتی اقدامات کا مطالبہ
خبررساں اداروں کے مطابق فرانس میں سکیورٹی فورسز کے ہزاروں اہل کار، مظاہرین کے ہاتھوں پٹنے کے بعد اپنے حقوق کے لیے سڑکوں پرنکل آئے۔
پیرس میں کیے گئے مظاہرے میں قانون نافذ کرنے والے اداروں کے اہلکاروں نے اپنے لیے سیاسی حمایت میں اضافے کا مطالبہ کیا۔
فرانسیسی پارلیمنٹ کے سامنے 35 ہزار پولیس اہل کاروں نے سکیورٹی فورسز پر ہونے والے تشدد کے خلاف مظاہرہ کیا۔
ان کی شکایت تھی کہ پولیس کے پاس کسی بھی صورت حال سے نمٹنے کے لیے مناسب اسلحہ یا ساز وسامان نہیں ہوتا۔
اس کے علاوہ ڈرگ مافیا جیسے جرائم پیشہ گروہوں پر بہت کم جرمانہ عائد کیا جاتا ہے حبکہ پولیس مظاہرین کا کہنا تھا کہ انہیں تنخواہ خدمت کی ملتی ہے مرنے کے لیے نہیں۔
