میانمار میں فوجی طیارہ حادثے کا شکار، 12 افراد ہلاک
Jun ۱۰, ۲۰۲۱ ۲۲:۰۳ Asia/Tehran
میانمار کا ایک فوجی طیارہ شہر ماندلی میں گر کر تباہ ہوگیا ہے۔
اسپوٹنک نیوز ایجنسی نے میانمار کے ذرائع ابلاغ کے حوالے سے رپورٹ دی ہے کہ اس ملک کے شہر ماندلی کے فائربریگیڈ کے عملے نے بتایا ہے کہ اس سانحے میں بارہ افراد ہلاک اور چار افراد زخمی ہوئے ہیں۔
رپورٹ کے مطابق مذکورہ فوجی طیارے نے دارالحکومت نایپیداو سے شہر پین اولوین کے لئے پرواز بھری تھی لیکن لینڈنگ کی کوشش کرتے ہوئے ایک اسٹیل فیکٹری کے قریب گر کر تباہ ہوگیا۔ میانمار کے اس فوجی طیارے میں عملے کے چھے افراد اور بدھ مت کے مذہبی رہنما سوار تھے جو ایک مذہبی تقریب میں شرکت کے لئے جا رہے تھے۔
میانمار کے ذرائع ابلاغ کا کہنا ہے کہ طیارے میں فوجی افسر بھی سوار تھے۔ ابھی تک سانحے کی وجوہات کا پتہ نہیں چلا ہے ۔
