طالبان متوازن مذہبی پالیسیاں اپنائیں، روس چین وزرائے خارجہ
Aug ۱۷, ۲۰۲۱ ۱۸:۱۲ Asia/Tehran
روس اور چین نے طالبان پر متوازن مذہبی پالیسیاں اپنانے کی ضرورت پر زور دیا ہے۔
ہمارے نمائندے کے مطابق روس اور چین کے وزرائے خارجہ نے منگل کی صبح ایک دوسرے سے ٹیلی فون پر بات چیت کی ہے جس میں افغانستان کی تازہ ترین صورتحال کا جائزہ لیا گیا۔سرگئی لاؤروف اور وانگ یی نے اس بات پر اتفاق کیا کہ ماسکو اور بیجنگ، طالبان رہنماؤں کو متوازن مذہبی پالیسیاں اپنانے پر قائل کرنے کی کوشش کریں گے۔
دونوں ملکوں کے وزرائے خارجہ نے افغانستان میں روس اور چین کے قانونی مفادات کے تحفظ، ایک دوسرے کی حمایت کرنے اور خطرات سے بروقت مطلع کرنے پر بھی اتفاق کیا۔
واضح رہے کہ گزشتہ روز کابل میں روس کے سفیر نے کہا تھا کہ روسی سفارت خانے کی بیرونی سیکورٹی طالبان فورس نے سنبھال لی ہے۔
