کورونا کی جڑ کے بارے میں امریکہ اور چین کے درمیان کشیدگی جاری
Aug ۲۸, ۲۰۲۱ ۱۸:۴۹ Asia/Tehran
کورونا وائرس کے سرچشمے کے بارے میں امریکہ اور چین کے درمیان جاری کشیدگی کے درمیان واشنگٹن میں چین کے سفارت خانے نے امریکی انٹیلیجنس حلقے پر سیاست کرنے کا الزام لگایا ہے۔
فرانس نیوز ایجنسی کی رپورٹ کے مطابق امریکہ میں چین کے سفارت خانے نے ایک بیان جاری کرکے اعلان کیا ہے کہ امریکہ کی انٹیلیجنس برادری کی رپورٹ سے پتہ چلتا ہے کہ واشنگٹن، غلط راستہ اختیار کرنے کے لئے سیاست سے کام لینا چاہتا ہے۔
چینی سفارت خانے کے بیان میں کہا گیا ہے کہ امریکہ کی انٹیلیجنس برادری چین کو مجرم ثابت کرنے پر تلی ہوئی ہے تاکہ ساری ذمہ داری بیجنگ پر ڈال سکے۔
کورونا وائرس کے سرچشمے کے بارے میں اب تک کئی امکانات ظاہر کئے جا چکے ہیں تاہم ووہان لیبارٹری پر سب سے زیادہ شک کیا جا رہا ہے ۔ ووہان لیبارٹری ہی، وہ جگہ ہے جہاں پہلی بار اس وائرس کو دیکھا گیا۔
