امریکی دارالحکومت واشنگٹن میں ایمرجنسی لاگو، ماسک لگانا لازمی ہوا
امریکہ میں کورونا وایرس میں مبتلا ہونے والوں کی پھر سے بڑھتی تعداد کے مدنظر دارالحکومت واشنگٹن کی میئر نے اگلے مہینے کے اختتام تک ایمرجنسی لگانے کا اعلان اور ماسک لگانے کو لازمی قرار دیا ہے۔
سی ان ان کے مطابق، واشنگٹن کی میئر میوریئل باوزر نے پیر کو اس شہر میں مقامی وقت کے مطابق دوپہر بعد ایمرجنسی کے حالات کا اعلان کیا۔
انہوں نے قریب ایک مہینہ پہلے ہنگامی حالات اور ماسک لگانے کے لازمی ہونے کے حکم کو مسترد کر دیا تھا، لیکن ایک بار پھر دارالحکومت میں کووڈ-19 کے بڑھتے کیس کے مدنظر ہنگامی حالات پھر سے نافذ کرنے کا فیصلہ لیا گیا اور منگل کے روز صبح 6 بجے سے 31 جنوری تک ماسک لگانا لازم قرار دیا گیا ہے۔
اس اطلاعیہ کے مطابق، واشنگٹن شہر میں کام کرنے والوں کے لئے کورونا کی بوسٹر ڈوز لگوانا لازمی ہو جائے گا۔ اس سے پہلے ملازمین کو اس بات کی اجازت تھی کہ اگر وہ کورونا کا ٹیکہ نہیں لگوا رہے ہیں تو وہ بار بار کورونا کا ٹیسٹ دے کر دفتر میں آکر کام کر سکتے تھے۔
