SAHAR

اسرائیل کے عبری ذرائع‏ نے اعلان کیا ہےکہ اسرائیل کے آئرن ڈوم سسٹم نے غلطی سے اسرائیل کے ہی جنگی طیارے کو نشانہ بنانے کی کوشش کی ہے۔

صیہونی ذرائ‏ع اب تک بارہا آئرن ڈوم سسٹم کے ناکام ہونے کا اعتراف کر چکے ہیں ۔

عبری ذرائع کے حوالے سے روسی خبر رساں ایجنسی کی رپورٹ کے مطابق شمالی مقبوضہ فلسطین کے بعض علاقوں میں خطرے کا سائرن بجنے کے بعد لوگوں سے پناہ گاہوں میں چھپنے کو کہا گیا۔ بعد میں پتہ چلا کہ یہ آئرن ڈوم سسٹم کی غلط شناخت کا نتیجہ ہے۔

وائی نیٹ کی رپورٹ کے مطابق اس واقعے کے نتیجے میں کوئی نقصان نہیں ہوا تاہم اسرائیل کی فضائیہ اس واقعے کا جائزہ لے رہی ہے۔

اس سلسلے میں صیہونی فوج کے ترجمان کا کہنا ہے کہ آئرن ڈوم سسٹم کی غلط شناخت کی بنا پر اسرائیل کے جنگی طیارے پر میزائل حملہ ہوا جس کی بنا پر جنگی صورت حال پیدا ہوگئی اور خطرے کا سائرن بجنے لگا۔