پاکستانی وزیر دفاع کا بانی پی ٹی آئی پر سخت تنقید

Dec ۲۴, ۲۰۲۵ ۲۰:۲۲ Asia/Tehran

پاکستان تحریک انصاف اور حکومت کے درمیان مذاکرات کی کوششوں کے درمیان وزیر دفاع خواجہ محمد آصف نے بانی پی ٹی آئی کو سخت ہدف تنقید بناتے ہوئے انہیں مواد پرست قرار دیا۔

سحرنیوز/پاکستان: مقامی میڈیا سے گفتگو میں پاکستان کے وزیر دفاع خواجہ آصف نے بڑی سخت زبان کا استعمال کرتے ہوئے کہا کہ بانی پی ٹی آئی کے ڈی این اے میں ہی مذاکرات کی گنجائش نہیں۔

انہوں نے سابق وزیر اعظم پر مفاد پرست ہونے اور اصول پرست نہ ہونے کا الزام عائد کیا۔ انہوں نے دعویٰ کیا کہ عمران خان نے ساری زندگی ذاتی مفاد کو ترجیح دی، بانی پی ٹی آئی مذاکرات نہیں، افراتفری چاہتے ہیں، مذاکرات کرنا اُن کی پالیسی میں ہی نہیں ہے۔

ہمیں فالو کریں:

خواجہ آصف کا کہنا تھا کہ وزیر اعظم شہباز شریف تواتر کے ساتھ پی ٹی آئی کو مذاکرات کی دعوت دے رہے ہیں۔

انہوں نے محتاط انداز میں امید ظاہر کی کہ وزیر اعظم کی دعوت پر مثبت اور نتیجہ خیز مذاکرات ہو سکیں گے۔ وزیر دفاع پاکستان نے کہا کہ اگر پی ٹی آئی اپنا ہاؤس اِن آرڈر کرلے تو بات آگے بڑھ سکتی ہے، مذاکرات کچھ لو اور کچھ دو کی بنیاد پر ہوتے ہیں۔