نیپال میں لاپتہ ہونے والے طیارے میں سوار تمام 22 افراد کی لاشیں مل گئیں
May ۳۱, ۲۰۲۲ ۱۲:۰۵ Asia/Tehran
نیپال میں لاپتہ ہونے والے نجی ایئر لائن کے طیارے میں سوار تمام 22 افراد کی لاشیں مل گئیں۔
غیر ملکی خبر رساں ادارے کے مطابق طیارہ حادثے میں مرنے والے افراد کی لاشوں کی شناخت کا عمل اب شروع ہوگا۔ ترجمان نیپالی فوج کا کہنا ہے کہ حادثے کا شکار طیارے کا بلیک باکس بھی مل گیا ہے۔
نیپال میں نجی کمپنی کا چھوٹا طیارہ اتوار کو پرواز کے کچھ دیر بعد لاپتہ ہوگیا تھا، جس میں 19مسافر اور عملے کے 3 ارکان سوار تھے۔
میڈیا رپورٹس کے مطابق طیارے میں 13 نیپالی شہری، 4 ہندوستانی، 2 جرمن اور پائلٹ سمیت 3 افراد پر مشتمل عملہ موجود تھا۔
خیال رہے کہ لاپتہ طیارے کا ملبہ کل ملا تھا۔
