خون کے کینسر میں مبتلا چین کے سابق صدر جیانگ زی من انتقال کرگئے
Nov ۳۰, ۲۰۲۲ ۱۴:۲۱ Asia/Tehran
چین کے سابق صدر جیانگ زی من 96 کی عمر میں انتقال کرگئے وہ خون کے کینسر میں مبتلا تھے۔
سحر نیوز/ دنیا: چینی خبر رساں ایجنسی کے مطابق سابق صدر جیانگ زی من کا انتقال لیوکیمیا اور ایک سے زیادہ اعضاء کی ناکامی کی وجہ سے شنگھائی میں آج (30 نومبر) دوپہر کو ہوا۔ ان کے سوگ میں چینی پرچم سرنگوں کردیا گیا۔
واضح رہے کہ 1989 میں جب انہوں نے ڈینگ ژیاؤپنگ کی جگہ صدارت کا عہدہ سنبھالا اس وقت چین اقتصادی جدیدیت کے ابتدائی مراحل میں تھا۔
تاہم جب وہ 2003 میں صدر کے منصب سے ریٹائر ہوئے اس وقت چین ورلڈ ٹریڈ آرگنائزیشن کا رکن تھا۔
بیجنگ نے 2008 کے اولمپکس میں کامیابی حاصل کی تھی اور ملک سپر پاور کی حیثیت سے اپنے راستے پر گامزن تھا۔
ان کے پسماندگان میں ان کی اہلیہ وانگ یپنگ اور دو بیٹے ہیں۔
