اسرائیل کے فوجی اڈے سے پھر غائب ہوئے سامان
جنوبی مقبوضہ فلسطین میں نامعلوم افراد فوجی اڈے میں گھس گئے۔
سحر نیوز/ دنیا: عبرانی ذرائع نے بتایا کہ کچھ نامعلوم افراد مقبوضہ علاقےمیں صیہونی اڈے "شبتا" میں گھس گئے اور وہاں سے ایک موٹر سائیکل اور ایک کار لے اڑے۔
عبرانی میڈیا نے حال ہی میں اپنی ایک رپورٹ میں اعلان کیا ہے کہ کچھ نامعلوم افراد مقبوضہ علاقے کے جنوب مشرق میں واقع نقب میں واقع صیہونی فوج کے توپخانے کے اڈے میں گھسنے میں کامیاب ہو گئے۔
عبرانی ویب سائٹ "والا" نے اطلاع دی ہے کہ یہ در اندازی پچھلے ہفتے کے آخر میں ہوئی اور اس در اندازی کے دوران ایک موٹر سائیکل اور ایک مہنگی SUV کار جسے پولیس نے حالیہ ہفتے میں ضبط کیا تھا، چوری ہوگئی۔
اس عبرانی ویب سائٹ نے کہا کہ یہ کارروائی فوجیوں کی آنکھوں کے سامنے ہوا اور اسرائیلی فوجیوں کو اس دراندازی کے بارے میں اس وقت پتہ چلا جب انہوں نے بیس کی باڑ میں ایک بڑا خلا دیکھا۔
والا نے مزید کہا کہ علاقے کا معائنہ کرنے کے بعد، پتہ چلا کہ کچھ نامعلوم افراد اڈے کی خاردار تاریں کاٹ کر پیدل پارکنگ میں داخل ہوئے۔ انہوں نے وہ کار چرائی جو علاقے میں مجرمانہ سرگرمیوں کے لیے استعمال ہونے کے شبہ میں ضبط کی گئی تھی۔
اس اڈے کے ایک فوجی نے والا ویب سائٹ کو اس بارے میں بتایا کہ اگرچہ فوجیوں کی موجودگی اور کاروں کی پارکنگ کی جگہ کے درمیان فاصلہ کم تھا، لیکن فوجیوں کو کسی قسم کی دخل اندازی کا پتہ نہیں چلا۔
اس ذریعے نے مزید کہا کہ یہ پہلی بار نہیں ہے کہ اس اڈے میں دراندازی کی گئی ہو، کیونکہ گزشتہ برسوں میں متعدد بار اس اڈے سے گولہ بارود، اسلحہ اور فوجی سازوسامان چوری کیا گیا ہے۔
