SAHAR

لندن کے لوٹون ایئرپورٹ پر وسیع پیمانے پر آتشزدگی کے نتیجے میں اس ايئرپورٹ کی تمام پروازیں معطل کردی گئيں۔

سحر نیوز/ دنیا: موصولہ خبروں کے مطابق لندن شہر کے فائربریگيڈ کے حکام نے کہا ہے کہ منگل کو اس ایئرپورٹ کی پارکینگ میں آگ لگ گئی جس کے بعد فائر بریگيڈز اور ایمبولینسیں جائے وقوعہ پہنچ گئيں تاہم کسی جانی نقصان کی اطلاع موصول نہیں ہوئی ہے-

لندن کے لوٹون ایئرپورٹ نے سوشل میڈیا پلیٹ فارم ایکس پر لکھا ہے کہ اس ایئرپورٹ کی تمام پروازیں فی الحال معطل کردی گئی ہیں کیوں کہ ابھی آگ بجھانے کا کام جاری ہے۔