اقوام متحدہ کے سیکریٹری جنرل نے کہا ہے کہ غزہ کی جنگ کے دوران اقوام متحدہ کے ایک سو گیارہ افراد ہلاک ہوئے ہيں اور یہ اقوام متحدہ کی تاریخ کا سب سے بڑا جانی نقصان ہے۔

سحرنیوز/دنیا: اقوام متحدہ کے سیکریٹری جنرل اینٹونیو گوتریش نے بدھ کی شام کو کہا کہ غزہ کے خلاف اسرائیلی فوج کی کارروائیوں کے آغاز سے اب تک چودہ ہزار سے زیادہ فلسطینی شہید ہوئے ہیں۔
اقوام متحدہ کے سیکریٹری جنرل نے کہا کہ یہ بات بہت واضح ہےکہ ہم نے بین الاقوامی قوانین کی دھجیاں اڑتے ہوئے دیکھا ہے کیوں کہ غزہ کے اسی فیصد شہریوں کو اپنا گھر بار چھوڑنا پڑا ہے۔ اقوام متحدہ کے سیکریٹری جنرل نے مزید کہا کہ جنگ کے آغاز سے اب تک غزہ میں اقوام متحدہ کے ایک سو گیارہ افراد مارے گئے ہیں اور یہ پوری تاریخ میں اس ادارے کا ہونے والا سب سے بڑا جانی نقصان ہے۔ گوتریش نے خبردار کیا کہ غزہ کی پناہ گاہوں میں صحت کی صورتحال خوفناک ہے۔ انہوں نے کہا غزہ کے اسپتال اپنی طبی ضروریات کو بہتر طور پر پورا نہیں کر پا رہے ہيں، اور اس علاقے میں خوراک کا نظام تہس نہس ہوچکا ہے، اور غزہ میں خاص طور پر شمال میں لوگ بھوک سے مر رہے ہیں۔