یورپی یونین کی ترجمان نے ایران کے صدارتی انتخابات میں ڈاکٹرپزشکیان کی کامیابی کی مبارکباد دیتے ہوئے نئی ایرانی حکومت کے ساتھ تعاون کے لئے اس یونین کی آمادگی کا اعلان کیا۔

سحر نیوز/ دنیا: یورپی یونین کی ترجمان نبیلا مسرلی نے سوشل میڈیا پر اپنے پیغام میں کہا کہ ہم نے ایران کے صدارتی انتخابات کے نتائج پر توجہ دی ہے اور منتخب صدر مسعود پزشکیان کو مبارکباد دیتے ہيں ۔ نبیلا مسرلی نے کہا کہ ہم یورپی یونین کی اشتراک عمل کی اہم پالیسی کے تناظر میں ایران کی نئی حکومت کے ساتھ کام کرنے کے لئے تیار ہیں ۔

سعودی عرب ، ہندوستان اور پاکستان سمیت دنیا کے متعدد ممالک کے حکمراں ایران کے صدارتی انتخابات میں ڈاکٹرمسعود پزشکیان کی کامیابی کی مبارکباد دے چکے ہيں۔