SAHAR

اسرائیل نے خان یونس کے اسکولوں پر وحشیانہ حملے میں امریکی بم استعمال کئے ہیں

سحر نیوز/ دنیا: سی این این نے ایک رپورٹ میں اعلان کیا ہے کہ اس چینل کے توسط سے انجام دی گئی تحقیقات کے مطابق صیہونی حکومت نے جنوبی غزہ میں واقع خان یونس کے اسکولوں پر امریکی ساخت کے بم گرائے ہيں-

سی این این کی اس رپورٹ کے مطابق منگل کو ان اسکولوں پر کی گئی بمباری میں کہ جن میں فلسطینی پناہ گزیں رہائش پذیر ہیں، تیس سے زيادہ فلسطینی شہید اور دسیوں دیگر زخمی ہوگئے-

سی این این چینل نے اس سے پہلے بھی وسطی غزہ کے النصیرات کیمپ میں ایک اسکول پر بمباری سے متعلق ویڈیو کا جائزہ لینے کے بعد ایک رپورٹ میں کہا تھا کہ یہ حملہ بھی امریکی ساخت کے ہتھیاروں سے کیا گيا تھا، اس حملے میں بھی چالیس سے زيادہ فلسطینی خاک و خون میں غلطاں ہوگئےتھے-صیہونی حکومت نے منگل کو جنوبی غزہ میں واقع خان یونس کے مشرقی علاقے عبسان کے ایک اسکول پر حملہ کیا جس میں تیس سے زيادہ افراد شہید ہوئے ہيں- اس اسکول میں فلسطینی پناہ گزیں، پناہ لیئے ہوئےتھے-

درایں اثنا وال اسٹریٹ جرنل نے جمعرات کو ایک رپورٹ میں کہا ہے کہ جو بائيڈن حکومت پانچ سو پاؤنڈ یعنی تقریبا دو سو ستائیس کیلو گرام کے بھاری بموں کو صیہونی حکومت کے اختیار میں دے رہی ہے-

اس رپورٹ کے مطابق امریکی بم، نقل و حمل کے مرحلے میں ہیں اور آئندہ ہفتوں میں مقبوضہ فلسطین تک پہنچ جائيں گے-