ایران اور حزب اللہ کی دھمکیوں کے بعد صیہونی خوف و ہراس کا شکار ہیں اور اسرائیل سے تمام پروازیں منسوخ کر دی گئیں۔

سحرنیوز/دنیا: ایران اور حزب اللہ لبنان کی جانب سے صیہونی حکومت کے بزدلانہ اور دہشت گردانہ اقدامات پر اس کے خلاف سخت کارروائی کی دھمکیوں کے بعد اسرائیل کے اندر خوف و ہراس کی لہر دوڑ گئی ہے اور صیہونی آبادکار انتہائی تشویش کا شکار ہیں۔
جمعرات کے روز نہ صرف یہ کہ اسرائیل سے تمام پروازیں منسوخ کر دی گئیں بلکہ جوابی حملوں کے خوف سے اسرائیلی فوج کو بھی ہائی الرٹ کر دیا گيا ہے اور فوجیوں کی چھٹیاں منسوخ کر دی گئی ہیں۔