تل ابیب میں ایک شہادت پسندانہ کارروائی میں کم سے کم پانچ صیہونی ہلاک اور پچاس دیگر زخمی ہوگئے۔

سحرنیوز/دنیا: بعض صیہونی ذرائع نے اعلان کیا ہے کہ تل ابیب میں گلیلوت کراسنگ پر ایک ٹرک ڈرائیور نے صیہونی جارحیت کے جواب میں دسیوں صیہونیوں کو ٹرک سے کچل دیا جس میں کم سے کم پانچ صیہونی ہلاک اور پچاس دیگر زخمی ہو گئے۔صیہونی ذرائع کی رپورٹ کے مطابق ٹرک کے نیچے آنے والے یہ سبھی صیہونی، فوجی رہے ہیں۔

ان صیہونی ذرائع کا کہنا ہے کہ ٹرک کو بڑی تعداد میں غاصب صیہونی فوجیوں پر چڑھا دیا گيا۔ صیہونی اخبار نے بھی رپورٹ دی ہے کہ صیہونی حکومت کی جارحیت کے جواب میں ٹرک سے کچلے جانے والے دسیوں زخمی صیہونیوں کی حالت نازک بنی ہوئی ہے جبکہ موساد کے دفتر کے قریب پیش آنے والی اس شہادت پسندانہ کارروائی کا عامل، صیہونی فوجیوں کی فائرنگ میں شہید ہو گیا۔