بنگلادیش میں 1971 کی جنگ کی یادگار دیوار منہدم
Apr ۰۳, ۲۰۲۵ ۰۷:۰۷ Asia/Tehran
بنگلادیش میں انیس سو اکہتر کی جنگ کی یادگار دیوار ، لبریشن وار میموریل منچہ، کو گرا دیا گیا۔
سحرنیوز/دنیا: میڈیا ذرائع کے مطابق یادگاری دیوار کو مقامی انتظامیہ کے حکم پر گرایا گیا ہے۔بنگلادیش کے ضلع لال مونیر ہٹ میں قائم دیوار کو انیس سو اکہتر کی جنگ کی یادگار کے طور پر قائم کیا گیا تھا۔ اس یادگار دیوار پر انیس سو پچاس کی زبان کی تحریک کا پس منظر، سات مارچ کی تاریخی تقریر، جنگ آزادی، مجیب نگر حکومت کی تشکیل، آزاد سرزمین پر نئے سورج کا طلوع ہونا، آزادی کے جوش و خروش سے سرشار بہادر جنگجو، سات عظیم ہیروز اور دیگر کئی تاریخی لمحات کو دکھایا گیا تھا۔
ٹرانسپیرنسی انٹرنیشنل بنگلادیش نے یادگار گرائے جانے پر احتجاج کا اعلان کیا ہے۔ واضح رہے کہ یادگار کو کچھ روز قبل بنگلادیش کے یوم آزادی پر کپڑے سے ڈھک دیا گیا تھا۔
