اطالوی سیاح بھی ایران آنے کے شوقین
اٹلی کی موٹرسائیکل سوار کمیونٹی کے ارکان نے ایران کے سفر کا خیرمقدم کرتے ہوئے، ایران کے تاریخی، سماجی اور ثقافتی پہلوؤں سے آشنا ہونے پر زور دیا ہے۔
سحرنیوز/دنیا: اٹلی کے صوبہ امبریا کے شہر پرچی میں ایران کی ثقافت اور تاریخ کے بارے میں ایک خصوصی پروگرام منعقد کیا گیا جس میں موٹر سائیکل سوار سیاحوں کی اطالوی کمیونٹی نے بھی شرکت کی۔ اس موقع پر ایران کے قدرتی، ثقافتی اور تاریخی تنوع کے بارے میں ایک دستاویزی فلم نشر کی گئی جس کے بعد اطالوی سیاحوں نے ایران کے سفر پر مبنی اپنے اشتیاق کا اظہار کیا۔
ان میں سے بعض سیاح جو اس سے قبل اپنی موٹر سائیکل پر ایران کا سفر کر چکے تھے ایرانی عوام کی مہماں نوازیوں، ایران کے پرامن ماحول، دلچسپ راستوں اور بے نظیر مناظر کی یاد تازہ کی اور دوسرے سیاحوں کو بھی ایران کے سفر کی تجویز دی۔ اس موقع پر اٹلی میں ایران کے کلچرل اتاشی سید مجید امامی نے بھی ایران کے تاریخی اور تمدنی ورثے کے بارے میں حاضرین کو آگاہ کیا۔
قابل ذکر ہے کہ اسلامی جمہوریہ ایران کا اسٹال بین الاقوامی "ویرونا 2026 سیاحتی نمائش" "اکسپلور ایران" (Explore Iran) عنوان کے سلوگن کے تحت برپا ہوگا۔
