پوپ لیو نے انسانوں کی زندگی کا محور مادی معاملات قرار پانے کو اپنی تنقید کا نشانہ بنایا ہے۔
سحرنیوز/دنیا: غیرملکی میڈیا کے مطابق پوپ لیو نے کیتھولک چرچ کی قیادت سنبھالنے کے بعد اپنے پہلے خطاب میں اس بات پر افسوس ظاہر کیا کہ انسانوں کی زندگی کا محور مادی معاملات بن چکے ہیں۔
برطانیہ کے گارڈین اخبار کے مطابق پوپ لیو نے ویٹیکن کے سینیئر کارڈینلوں سے خطاب کرتے ہوئے کہا کہ "ٹیکنالوجی، رقم، طاقت اور ظاہری لذت" عیسائیت پر ایمان سے زیادہ قیمتی قرار دی جا رہی ہے جو کہ انتہائی افسوسناک ہے۔ انہوں نے کہا کہ دنیا کے بہت سے علاقوں میں عیسائیت اور اس دین کے پیروکاروں کو حقارت کی نگاہ سے دیکھا جاتا ہے۔
پوپ لیو نے مزید کہا کہ حضرت عیسی مسیح کو صرف مقناطیسی خصوصیات کے مالک ایک رہبر یا سپر ہیرو تک محدود کردیا گیا ہے۔ انہوں نے کہا کہ آج بہت سے عیسائی، خدا سے دور الحاد کی زندگی بسر کر رہے ہیں۔
