مغربی افریقہ کے ملک بینن میں فوجی بغاوت کی کوشش: فوجیوں اور حکومت کے متضاد دعوے
مغربی افریقہ کے ملک بینن میں فوجی بغاوت کی کوشش کی اطلاعات ہیں جبکہ حکومت نے حالات کنٹرول میں ہونے کا دعویٰ کیا ہے۔
سحرنیوز/دنیا: میڈیا ذرائع کی رپورٹ کے مطابق بینن کے صدارتی دفتر کے بیان کے مطابق ملک کے صدر پیٹریس ٹیلون محفوظ ہیں، اصل فوج دوبارہ کنٹرول حاصل کر رہی ہے، بینن مکمل طور پر محفوظ ہے۔ بیان میں مزید کہا گیا ہے کہ یہ لوگوں کا ایک چھوٹا سا گروپ ہے جو صرف ٹیلی ویژن کنٹرول کر سکتا ہے۔
بینن کے وزیر داخلہ نے اتوار کے روز کہا کہ مغربی افریقی ملک میں فوجیوں کے ایک گروپ نے قومی ٹی وی پر اقتدار پر قبضہ کرنے کا دعویٰ کیا ہے لیکن مسلح افواج نے بغاوت کی کوشش کو ناکام بنا دیا ہے۔
اطلاعات کے مطابق اس سے پہلے بینن کے ایک فوجی گروپ نے یہ اعلان کیا تھا کہ ملک کا اقتدار فوج نے سنبھال لیا ہے، سرحدوں کو بند کر دیا ہے، سیاسی جماعتوں کو بھی معطل کر دیا گیا ہے۔
فوجی گروپ نے یہ بھی کہا کہ فوج بینن کے لوگوں کو ایک نئے دور کی امید دلانے کا عہد کرتی ہے، آئین اور سیاسی جماعتوں کی سرگرمیاں معطل ہیں، تمام ادارے تحلیل ہیں۔
بین الاقوامی میڈیا کی رپورٹ کے مطابق بینن کے صدر پیٹریس ٹیلون 2016 سے ملک کا اقتدار سنبھالے ہوئے ہیں اور صدر کی مدت ختم ہونے کے بعد وہاں اگلے سال اپریل میں صدارتی انتخابات ہونے ہیں۔
ہمیں فالو کریں:
Followus: Facebook, X, instagram, tiktok whatsapp channel
